Gabriel Aresti Euskaltegia » burutazioak

Solas giroan: Bidaiarien testigantzak (Xamar)

bulegoa — Thu, 03 Jun 2010 10:45:51 +0000

Bilbo Hiria irratian sail luzea egiten ari gara azken aspaldi honetan Xamarrekin bere azken liburuaren -Euskara Jendea- kapituluak banan-banan jorratzen eta komentatzen gure entzuleentzat. Oraingo honetan, Bilbon zegoela probetxaturik, Euskal Herrira bisitan etorri eta gutaz eta gure kulturaz zerbait idatzia utzi duten bidazti atzerritarren berri emateko eskatu diogu Xamarri, eta berak, jakituria handiz, XII. mendetik eta XVIII. mendera bitartean haien lumatik bildutako testigantzen lagin interesgarri bat egin digu. Solasaldi hau entzuteko klikatu HEMEN.

Artayorran baño, yantzan obetó! #50!

bulegoa — Fri, 21 May 2010 22:34:00 +0000

Isidro Elgezabal eta Josu Zabalaren saioa: Artayorran baño, yantzan obetó! Gaur, literatura&musika; euskal literatura zein musikan mugarri izan diren batzuk ( ez denak, noski) batu ditugu; hala nola, Oskorri eta Gabriel Aresti, Kirmen Uribe eta Mikel Urdangarin, Hertzainak eta Itxaro Borda, Benito Lertxundi eta Joxan Artze…

Saio hau deskargatzeko klikatu HEMEN.

Lagun artean kantari maiatzaren 19an

bulegoa — Wed, 19 May 2010 15:06:19 +0000

Hau Zenbat Gara Elkartearen ekimen bat da. Kantatzea giza ariketarik behinenetakoa denez, kantatzeko ohitura berreskuratu nahian Lagun Artean Kantari ekimena abian jarri zen. Helburua lagunarteko giroan kanta zahar eta berriak ikastea eta kantatzea.

Gaur egun kalean zein tabernetan kantatzeko ohitura galtzen ari da, baikor izanik, edo jada galdua da, eta beraz kanten transmisioa ere eten. Eskolak ematen duen kantuen ezagutza eta praktika bere kontestuagatik eta adinagatik ezin da tabernara eraman. Bertako praktika lekua berriz, irrati, telebista eta musika ekipoen uhinek betetzen dute, kantuari, pertsonaren
eztarriari, lekua kenduz.

Hilean behin egiten da Bilboko eta Ondarroako Kafe Antzokietan (ikus programazioa) arratsaldeko 8etan, Anje Duhaldek kudeaturik. Arrakastatsu gertatzen ari da ekimena eta lortu nahi zen helburua, hau da kantuan modu naturalean egiteko gune eta egoera aproposa sortu eta jendea biltzea lortzen ari da. Ondarroan ere bere ibilbidea hasi du hilean behin eta jendea bildu du egin diren ekitaldietan.

Emanaldia maiatzaren 19an arratsaldeko 20:00etan

Bilboko Kafe Antzokian

Sarrera librea

Solas giroan: Administrazioa eta euskara

bulegoa — Mon, 22 Feb 2010 21:17:43 +0000

Gaurkoan Xamar heldu zaigu Bilbo Hiria Irratiaren estudioetara “Euskara jendea” liburuaren beste kapitulu bat zuzenean jorratzera. Horixe da Xamarrek hilean behin egiten digun oparia. Oraingo honetan Euskal Herrian administrazioa euskalduntzeko historian zehar izan diren eskaerak ekarri dizkigu gogora Xamarrek. Administrazioa euskaldundu beharra oraingo kontua dela uste ohi dugu, baina atzera begiratzea aski dugu gauzak bestela izan zirela ulertzeko.

Solasaldi hau deskargatzeko klikatu HEMEN.

Agate Deuna otsailaren 4an

bulegoa — Thu, 04 Feb 2010 17:58:04 +0000

Oso egun polita izan da gaurkoa euskaltegian. Santa Ageda, Agate Deuna edo Santa Agedako bezpera otsailaren 5aren aurreko egunean Euskal Herrian ospatzen den jaia da. Ohitura da egun honetan edo bezperan herrietan koplak kantatu eta diru edo janari eske ateratzea. Herri askotan makilekin ateratzen da kalera, lurrean joaz erritmoa markatuz. Beste herri batzuetan Kintoak ospatzen dira egun horretan.

Iturria: Wikipedia.

Zorion, etxe hontako denoi!
1Zorion etxe hontako denoi! Oles egitera gatoz, aterik ate ohitura zaharra aurten berritzeko asmoz. Ez gaude oso aberats diruz, ezta ere oinetakoz. Baina eztarriz sano gabiltza, ta kanta nahi degu gogoz.	2Santa Ageda bezpera degu Euskal Herriko eguna, etxe guztiak kantuz pozteko aukeratu deguna. Santa maitea gaur hartu degu gure bideko laguna. Haren laguntzaz bete gentzake egun hontako jarduna.
3 Siziliako uharte ederrak emana digu lorea. Han jaio baitzan gure Ageda, zorioneko gaztea. Txikitatikan gogoz hartu zun Jesukristoren legea. Maitasun honek ekarri zion bihotzeko poz betea.	4 Edertasunez jaunak apaindu zuan Ageda gaztetan. Haren begiak izar bi ziran, aurpegi gozo haretan. Gizon gaiztoen grina zitalak esna zitzakeen benetan. Laster izutu zen Kintziano Agedaren ederretan.
5 Agedak bere maite bakarra Jesus aukeratu zuan. Horregatikan beste maiterik ez zan harentzat munduan. Kintzianoren eske guztiak arrez baztertu zituan. Baina agintarik gaizto harek kristautzat salatu zuan.	6 Emakume gaizto baten mende, sartu zuten giltzapean, Agedaren bihotz garbi hura zikin ote zezakean. Alperrik baina ahalegindu zen andre lizuna lanean. Honek esanak ez ziran sartu Agedaren bihotzean.
7 Amorru biziz oinutsik jarri dute Ageda zintzoa, txingar gorien gainean gero ibilarazi gaixoa. Ondoren, bular bat ebakita, uzten dute urratua. Baina Jainkuak bihurtu zion gau hartan bular mindua.	8 Alperrik gizon gaiztoak zuten oinazez erdi hilik utzi. Jesukristoren maitasun hartan ez zuna inola etsi. Otoi gozotan gogoa isuriz mundu hontatik ihesi, zeruetako zori ederra betiko zun irabazi.
9 Mendi tontorrak elurrez zuri, atai aldean laiotza. Etxe hontako nagusi jaunak, urrezkoa du bihotza. Santa Agedak kendu digu gaur eskean hasteko lotsa, dirurik ez bada, berdin zaigu gizendutako bildotsa.	10 Zelai erdian loreak argi, larros, krabelin ta lili. Etxe hontako etxekoandreak Ama Birjina dirudi. Etxe hontako urdaiazpiko asko, kakotik zintzilik, ta lukainka gorriak ugari poltsa betetzeko guri.

PIPERPOLIS: Ruper Ordorika eta Oier Guillan

bulegoa — Thu, 03 Dec 2009 12:45:18 +0000

Gaurkoan Ruper Ordorika hurbildu da gurera, New Yorken grabatu ditu Ruper Ordorikak lan berriko kantuak uda hasieran Ben Monder, Kenny Wollesen eta Skuli Sverrison musikarien laguntzaz eta Donostiako Elkar estudioan egin ditu nahasketak Jean Phocas teknikariarekin. Oier Guillanekin batera ‘Eskuen sustriak’ poema bilduma ezagutu dugu. Poema intimoak nahiz kolektiboak batzen dira Dusarekin argitaratu duen ‘Eskuen sustraiak’ liburuan.
Saioa hau deskargatzeko klikatu HEMEN.

Piperpolis:Betagarri eta Unai Elorriaga

bulegoa — Wed, 25 Nov 2009 15:17:20 +0000

Zenbat Gara kultura elkarteak sortu zuen 1997 urtean Bilbo Hiria irratia, eta, hark bezala, (hiriko) euskaldunen arteko harremanak bideratzea eta euskara eta euskal kultura sustatzea du helburu. Piperpolis duzue saiorik ezagunenetarikoa.

Gaurkoan Gasteiztik Betagarri taldearekin bat egin dugu ‘Bizitzari txistuka’ lan berria aurkeztu digute. Artiunem bideoklip berria grabatzen hari zirela Unaiek kantu berriak aurkeztu dizkigu. Udazkenarekin batera etorri zen Unai Elorriagaren nobela berria ‘Londres Kartoizkoa da’, bere laugarren eleberria. Unai ere gurean izan da.

Saio hau deskargatzeko klikatu HEMEN.

Iturria: www.bilbohiria.com

8garren kalea: Harrizko eta brontzeko arrastoak

bulegoa — Sun, 22 Nov 2009 11:56:07 +0000

Bilbon dauzkagun hainbat oroitarri, busto eta estatua aukeratu ditugu eta haiei begira jarri gara; ordezkatzen dituzten pertsonaiak gehiago ezagutu nahian. Horretarako laguntzaile paregabeak izan ditugu. Ikusteko sakatu hemen.

Iturria: www.ibaizabaltb.com

Irakasleak eta administrariak behar dira

bulegoa — Fri, 30 Oct 2009 12:27:05 +0000

Gabriel Aresti euskaltegian aritzeko irakasle homologatuen lan poltsa osatzen ari gara. Interesa dutenek lanbila@gabrielaresti.com helbidera igorri ditzakete euren curriculum-ak.

Argazki tailerra

bulegoa — Wed, 10 Jun 2009 22:45:35 +0000

Teknologia berriekin asko erraztu dira garai batean profesionalek bakarrik egiten zituzten zenbait lanbide, horien artean argazkilariarena. Horretan ibili dira argazki tailerrean asteotan. Lehenik eta behin Bilbon zehar hartu dituzte argazkiak eta gero photoshopek ematen dituen aukeren bidez argazkiak euren gustura moldatu dituzte, betiere Iban eta Ireneren gidaritzapean. Gure paparazziek egin dute egin beharreko lana eta hemen duzue proba. Argazki erakusketa ikusteko sakatu hemen.