Gabriel Aresti Euskaltegiak oso eskaintza zabala luzatzen dizue udan euskara ikasten jarraitu nahi duzuenoi: barnetegiak Bilbon zein Bakaikuko baserrian egongo dira uda osoan; ikastaro trinkoak ere izango dira Bilbon, egunean hiru edo bost ordukoak, goizez zein arratsaldez, heldu zein gazteentzat. Euskara lantegiak ere antolatuko dira Bilbon, jarduerak ikasiz euskaraz aritzeko eta, eskoletara joan ezin duenarentzat autoikaskuntza aukerak egongo dira. Eskaintza zabala, inondik inora, hobekien egokitzen zaizun aukera hautatu ahal izateko. Udako eskaintza inprimatzeko sakatu hemen (PDF). Matrikula egin
'burutazioak' ataleko artxiboa
Ibaizabaizabal telebista Bilbon sortu den interneteko telebista dugu, euskara hutsean sortutako telebista. Ibaizabal telebista oraingoz interneten bidez soilik ikus liteke eta euren helburuetako bat Bilboko euskaldunontzako erreferentzia eta tresna bihurtzea da. Honekin batera baditu beste hainbat ezaugarri; behetik gora sortutako telebista da, elkartasunezko zein berdintasunezko baloreak eta mezuak bultzatzea du helburu, elkarte edota kolektibo zabalek lantzen dituzten esparru guzti horiei informaziorako leiho izan. Jadanik aukera dugu berau ikusteko eta oraingoz lantzen ari diren esparruak hauexek dira: Auzoetako informazioa, aktualitatea, gazteon gai interesgarriak, irakaskuntza,musika… Dena den, apirilaren 9an jarri zen martxan eta honen inguruko informazio gehiago lortzeko onena zerorrek ikustea da. Horretarako sakatu hemen.
2008ko Aste Santurako matrikulazioa zabalik dagoeneko.
Urtero bezala aurten ere euskaltegiak Aste Santuan euskara ikasten jarraitzeko aukera eman nahi dizu. Horretarako, astebeteko eta bi asteko barnetegiak antolatu ditugu Bilbon eta Bakaikun (berritu dugun baserrian).
Hiruhilebetetik behin asteburu oso bat kanpoan pasatzen dugu euskaltegiak Bakaikun duen baserrian. Oraingo honetan Bakaikuko baserrian egiten ari garen konponketa lanak direla medio, ezin izango dugu bertara joan. Hori dela eta, egun pasa egitea pentsatu dugu. Hala eta guztiz ere, hurrengo hiruhilabetean konpoketa lanak amaituta egongo dira eta aukera hori edukiko dugu. Asteburu osoaz gain bigarren hiruhilabeteko irteera sagardotegira izan ohi da, Urbitarte sagardotegira hain zuzen ere. Dakizuen bezala Urbitarte sagardotegia Ataunen (Gipuzkoa) dago. Bertoko sagardoa eta txuletak dastatu nahi badituzue, hemen duzue informazio gehiago;
Irteera ordua; 09:30etan Sabin Etxearen parean
Prezioa; 35 euro
Txartelak; Done Bikendi 2, 4.solairuko bulegoan
Euskaltegiak inaute jairako proposatzen duen gaia: “EUSKAL HERRIA 100 URTE BARRU”. Gaia gure mozorroak eta egunean zehar esketxak egiteko erabiliko dugu. Hemen duzue egun osoko egitaraua:
08:30 TARTA LEHIAKETA
08:35 GOSARIA: Txokolatea banatuko da. Beste guztia etxetik (gailetak, pastelak, torradak…)
09:15 DANTZAK, JOLASAK…
11:00 ESKETX LEHIAKETA: Mesedez, puntualak izan eta saiatu esketx luzeegirik ez
egiten (7 minutu gehienez). Denon onerako izango da.
13:00 POTEOA: Ledesma kalean
14:30 LUNTXA: Kafe Anzokiaren goiko aldean. Txartelak (5 euro) bulegoan lehenbailen hartu.
16:30 GINKANA
17:15 ESKETXAK
18:00 TXOKOLATE-JANA ETA DISKOTEKA.
19:30 POTEOA: Ledesma kalean
21:00 BERBENA: Kafe Antzokian LISKER taldearekin.
*GOGORATU JASOTZEN LAGUNDU BEHARKO DUGULA.
*ONDO PASA!
Gabonak badatoz eta gure poltsikoak dardarka hasi dira. Urtaro honetan makina bat gauza erosten eta jasotzen ditugu eta gero ez ditugu inoiz erabiltzen. Zer egiten dugu gauza, traste, opari, jostailu hauekin? Pentsatu al duzu inoiz beste inork behar dituela edota erabil ditzakeela? Algaran eta Gabriel Aresti Euskaltegian orain urte batzuk horretaz jabetu ginen eta horregatik pentsatu genuen bi urtean behin truke azoka antolatzea. Azokan norberak jada erabiltzen ez dituen gauzak (liburuak, Kdak, arropak, jostailuak, elektrotresnak, irakasleak…) edota eskaini ditzakeen zerbitzuak (masajeak, ilea moztea, musika tresnaren bat jotzea, eskua irakurtzea…) trukatu ahal izango ditu zentimo bat ere gastatu gabe.
Gabriel Aresti Euskaltegiaren 25. urtemuga dela medio, euskaltegiari izena ematen dion idazleari buruzko erakusketa antolatu du. Erakusketa honetan Aresti idazleaz gain Arestirik humanoena ere aurkeztu nahi izan da oso modu didaktiko eta sintetikoan. Erakusketan Gabriel Arestiren ibilbidea ikus daiteke 4 bloke handitan:
1. Nire grazia Aresti da. Beste idazleekin izandako harremana, sariak, familia, alderdirik biografikoena.
2. Arima barreneko ekaitzak. poesian, narratiban, antzerkian, itzulpenetan egindako lanari emandako gainbegirada bat.
3. Nire lekua dago herriaren aldean. Arestirik filologikoena, euskara hizkuntzari buruzko hausnarketak, lexikoari eta morfologiari buruzko lanak, euskara baturaren gaineko proposamenak…
4. Apur ditzagun kateak. Arestiren lanaren testuinguru histotikoa eta testuinguru internazionala.
Erakusketa non eta noiz: Done Bikendi 2, 4.solairua. Astelehenetik ostiralera 10:00etatik 14:00etara eta 17:00etatik 19:00etara.
Bartzelonako euskal etxean EGA prestatzen ari diren lagunek egin dute bideo hau. Dirudienez, 80 urte barru mundu osoan hitz egingo ei da euskaraz.
Julen Gabiria. - Komunikazio zerbitzu batetik deitu zidaten aurrekoan, prentsaurrekoak-eta prestatzen dituzten horietako batetik. Neska gazte bat hariaren bestaldean. Fnac denda erraldoiak Bilbon sukurtsala irekiko zuela eta, euskal autore batzuen testuen bilduma atera nahi zutela esan zidan. Adi entzun nion. Kontua da, aitortu zidan, testuak baditugula, baina autoreen baimena nahi dugu, eta, bide batez, Fnac-en inauguraziora etortzera gonbidatu nahi ditugu, guretzat ohorea bla-bla. Esan zidan ea nik ba ote nituen autore horien helbide elektronikoak edo telefonoak. Eskatu nion esateko ze idazle ziren, eta zerrenda bota zidan. Zur eta lur geratu nintzen: hilda ez zeudenak hiltzear zeuden, edo zahartzaroaren aldirietan. Broma zela pentsatu nuen, baina banan-banan errepikatu zizkidan izen guztiak, aurrenekoan ondo entzun ote nion zalantzaz edo: Mikel Zarate, Koldo Mitxelena… euren telefonoak ote nituen. Segi irakurtzen ‘Julen Gabiria: “Istorio arestiar bat”’
