Iragan astean aurkeztu zuen Ruper Ordorika kantari oñatiarrak Hamar t’erdietan - Zuzenean Kafe Antzokia goiburuko diskoa. Bere mugalarien agurra egiteko Bilboko Kafe Antzokian zuzenean 2006ko urrian grabaturiko audio eta bideoekin osatu du CDa eta DVDa dakartzan album-liburuxka hau. Hona hemen bideoaren zatitxo bat, Martin Larralde kanta dakarrena:
'bideoak' ataleko artxiboa
Lehiaketaren aurkezpenean esaten genuen lehiaketa honek sormena eta talde-lana bultzatzea zuela helburu. Bada, sormenaren eta talde-lanaren islada izan dira jaso ditugun bideo guztiak. Azkeneko asteetan hainbat bideo jaso ditugu eta dagoeneko aurkeztu direnen artean aukeratu dugu irabazle bat: Egia da! du izenburua. Egia da! Gabriel Aresti Euskaltegiaren iragarki labur bat da non azaltzen diren euskaltegian matrikulatzeko arrazoiak eta euskaltegiaren hainbat ezaugarri. Marta ikasleak kontatzen digu noiz eta nola topatu zuen lehendabizikoz euskaltegia. Iragarkian euskaltegiarentzat esanguratsuak diren zenbait leku agertzen dira; Gran Via, Done Bikendi, Albia lorategia, Bailen kalea eta Ledesma kalea. Besterik gabe, hemen duzue pitxi hau ikusteko aukera;
Egileak eta sarituak; Raquel Santamaría, Raquel García eta Marta García.
Petti eta Txuma murugarren musikariak izango ditugu kafe Antzokian urtarrilaren 17an, gaueko 22:00etan. Bai Pettik, Bai Txuma murugarrenek aurreko udazkenean diska berria aurkeztu zuten eta geroztik zuzenean plazaratzen dabiltza oholtzaz oholtza. Gogoratu ikasleok sarrera prezio erdian daukagula.
Ederto joan zen lehengo eguneko truke azoka. Hona hemen bideotxo bat:
Garik Kafe Antzokian bere bosgarren diskoa aurkeztuko digu gau honetan (22:00etan), “Esperantzara kondenatua” izeneko kanta bilduma hain zuzen. Orain arteko bere lanik onena den honek rock puruagoa eta erraietakoa ageri du, Fran Iturberekin koproduzitutako hamaika abestietan eta Iván Ferreiroren (Piratas taldeko lider ohia) parte hartze bereziarekin. Letrak, sakonak eta biziak, José Luis Padrónek, Jon Maiak, Jon Benitok eta Roberto Mosok idatzi dituzte. Azaleko, atzeko azaleko eta barrualdeko irudi indartsuak diskoaren garrantzia areagotzen du ere bai, Alberto García-Alix (Espainiako Fotografia Saria, 1999) artista ezagunak egina baita. Hemen duzue Gariren azken bideoklipa “Esperantzara kondenatua”.
