Gabriel Aresti Euskaltegia

Hizkuntza bat behar bezala ikasteko, ikasleak hizkuntza horretan murgildu eta zuzeneko harremanetan ibili behar du hiztunekin ohiko komunikazio egoeretan. Gabriel Aresti euskaltegiaren barnetegiek horretarako aukera paregabea ematen dute, 15 egunez eta egunean 24 orduz euskaraz bizi delako ikaslea ingurune eta giro euskaldun batean. Gure euskaltegiak urte osoan zehar antolatzen ditu barnetegiak Bakaikun (Nafarroa), Sakana eta Urbasa artean kokatuta dagoen eta era guztietako zerbitzuez ondo hornituta dagoen baserri eder batean. Barnetegietan, euskara bertatik bertara bizitzeaz gain, euskal kultura ezagutzeko balio duten hainbat txango, bisitaldi gidatu eta jarduera egiten ditu ikasleak. 2008an eraberritu genuen Bakaikuko etxea, 2, 3, 4 edota 6 lagunentzako gelak atonduta.

Bilbon ere barnetegiak antolatzen ditugu, Bakaikun diren eskola eta jarduera guztiekin baina gaua bertan eman gabe. Bilboko barnetegiko bazkariak Kafe Antzokian izaten dira eta prezioan barne dago.

Urritik aurrera neguko eta udako barnetegietarako datak iragarriko ditugu. Era berean, taldeentzako barnetegi bereziak antolatzen dira eta familientzako egonaldiak bakaikun. Informazio gehiagorako euskaltegiarekin harremanetan jarri.

*Bakaikuko barnetegian  (3. kat: literak / 2. kat: 3 edo 4 lagunentzako gelak / 1. kat: 2 edo 3 lagunentzako gelak).

Talde berezientzako barnetegiak antolatzen dira ere Bakaikun, baita familientzako egonaldiak ere. Informazio gehiagorako harremanetan jar zaitez euskaltegiarekin.

Matrikula egin