Gabriel Aresti euskaltegia HABEk homologatutako euskaltegia dugu, 80ko harmarkadan Bilboko erdigunean sortua. Hiriburuko euskaltegi nagusia izanik, azken 25 urte hauetan gure ikasgeletatik 50.000 inguru ikasle igaro dira. Eskarmentua dugu, beraz, helduen euskalduntze lanean eta, horren lekuko dituzu Bilbon entzungo dituzun hainbat euskaldunberri, gure euskaltegitik igaroak baitira Esan daiteke, beraz, urteetan zehar Euskal Herriko euskaltegirik handiena dela gurea.

Guregana izaera anitzeko jendea hurbiltzen da: goi kargu, administrazioko langile, merkatari, langabetu, ikasle… Eta taldeka zein bakarka ikasteko hainbat aukera eskaintzen diegu.

Aitzindariak izan gara eta bagara orain ere euskararen irakaskuntzaren metodologia eraginkorrean. Uneoro baliabide egokiak ditugu oinarri, gure ikasleek eperik laburrenean emaitzarik onenak lor ditzaten.

Gainera, edozein euskaltegik baino askoz gehiago eskaintzen du Gabriel Arestik: Zenbat Garak bere zerbitzu eta aisialdi egitura guztia jartzen du euskaltegiaren zerbitzura (Kafe Antzokia, ostatatzea, jarduera eta ekitaldiak), ikasgeletatik at ere ikasleak, euskaraz biziz eta ondo pasatuz ikasten jarrai dezan.