Uda honetarako oso agenda erakargarria prestatu dugu ikastaldia ahalik eta gozagarriena egiteko. Euskararen ikaste prozesuak ezinbestekoa du euskal testuingurua ikaste prozesu hori azkarra eta eraginkorra izateko. Horren harira, ondorengo hiletan betiko eskolez eta tailerrez gain ondorengo agenda kulturala izango dugu Bilboko euskaltegian zein Bakaikuko barnetegian; Josu Zabala “80. hamarkadako Euskal Rocka”, Rafa Rueda “Kantagintza modernoa”, Anje Duhalde “kantagintza”, Xabier Monasterio, Xamar “Udako solstizioaren inguruko festak”, Apolo “Bertsolaritza; euskara ikasteko teknika bikaina”, Ipuin kontalariak eta era guztietako txangoak. Eta jakina, Bilboko jaietan Algara konpartsa Bailen kalean dugun txoznarekin. Euskara ikasteko aukera ona eta askotan esan ohi dugun bezala; eginez ikasten da. Matrikula egin
Uztaila, 2008-en artxiboa
HABE aldizkaria, euskara ikasten ari garenon aldizkaria: erreportaiak, elkarrizketak, berri laburrak, gramatika ariketak, denbora pasak, komikiak… Hilero izango duzu azken alea txoko honetan.
Uztaileko bigarren hamabostaldi honetan pentsatu dugu barnetegiko betiko jarduerei beste bat eranstea. Hau da, beti egin ohi ditugun txangoez, tailerrez, hitzaldiez eta kantaldiez gain oraingoan blog bat sortu dugu gure egunerokotasunaren berri zuei emateko. Bertan ez dituzue iritzi artikulu handiak edota munduko argazkirik ikusgarrienak topatuko, baina Bakaikuko barnetegiko ikasleek egina da eta horrek badu berez balio handia. Bakaikuko berri jakin nahi baduzue, atea zabalik duzue. Sakatu hemen.
