“Feminismoa hizpide” zikloa zabalduko dugu astearte honetan, arratsaldeko 6:30ean, “Emakumeak solasean: etxeko sua, kaleko oihua” dokumentalarekin, Kafe Antzokiaren zine-txokoaren barruan. Ibaizabal Telebistak egindako lan honetan hainbat emakume elkartu dira euren buruaz zein inguruaz berba egiteko. Emakume horien bizi esperientziak abiapuntu izanik, azken urteetako egoeraren berri jasoko dugu ikuspuntu historiko eta feministatik. Amama Inesen gaztaroko gorabeherek emango digute gerraosteko egoeraz jabetzeko aukera. Handik trantsiziora jauzi egin eta garai horren berri izango dugu. Amaitzeko, gaurko egoera ere izango da mintzagai.
