Kafe Antzokiko programazioan musikak eta bereziki euskal musikak sekulako garrantzia du, baina antolatzen diren ekitaldi eta kontzertuetan protagonistak ez dira beti taulara igotzen. Lagun Artean Kantari saio irekian, hilero-hilero, Anje Duhalde abeslari handiaren presentziaz goza gaitezke, baina gu ez gara publiko soila; ahots zoragarrien beharrik gabe eta lagunarteko giroan, guztiok abesten dugu, antzinako kantak zein berrienak. Hil honetan, asteazken honetan dugu hitzordua, Kafe Antzokian, iluntzeko 8.00etan. Ez huts egin!
