Inauteriak bukatu egin dira, baina geldi!, ez ezabatu egin dituzun argazki zoragarri horiek… Gabriel Aresti euskaltegiko 4.argazki-lehiaketa martxan dago eta. Argazkilari trebea ez bazara, geu bai! eta hemen duzu foto-sorta ederra Inaute Jaian zein ondo pasa genuen gogoratzeko. Talentua baduzu ere, sar zaitezke ikustera… baina animatzen zaitugu gure lehiaketan erakustera. Hauek dira kontuan hartu beharreko oinarriak:

Gaia: 2012ko INAUTERIAK.

1. Parte hartzaileak, Gabriel Aresti Euskaltegian matrikulatutako ikasleak izango dira.
2. Gehienez hiru argazki aurkeztuko dira, kolore edo txuri-beltzean.
3.Argazki guztiak originalak izan behar dira.

-Lanak nola aurkeztu: argazki guztiak izenburu batekin CD batean aurkeztu beharko dira. Hau gutunazal itxi batean aurkeztuko da eta honekin batera egilearen datuak jaso beharko dira (lanaren izenburua, egilearen izena, egilearen irakaslea).
-Noiz aurkeztu: aurkezteko azken eguna martxoaren 13a izango da.
-Epaimahaia: GAEko dinamika taldeak osatuko du. Lanak baloratzerakoan, kalitate tekniko eta artistikoaz gain, gaia islatzeko originaltasuna ere hartuko da kontuan.
-Jabetza: Aurkeztutako argazkien jabetza Gabriel Aresti Euskaltegiak gordeko du. Norbait erreproduzitzearen kontra egonez gero, argazkiarekin batera, idatziz adierazi beharko du.

Sari banaketa martxoaren 23an Gabriel Aresti euskaltegiak antolatuko  duen jai-ekitaldian egingo da.

Beraz, anima zaitez! Berrikusi inaute jaian egin zenituen erretratu horiek, edo larunbateko parrandakoak… egin garbiketa ona, eta aurkeztu ederrena, originalena, dibertigarriena… eta zorte on!