Lehengoan Gabriel Aresti idazlearen gaineko hitzaldi interesgarria eskaini zigun Xabier Monasteriok. Irudiz lagunduta, Arestiren bizitza osoa izan zuen hizpide Monasteriok: haren jaiotzaren testuingurua, poesia, konpromisoa eta euskararen aldeko lana aipatu zituen, besteak beste. Arestik, motibazioz beterik eta egoera politiko zaila zegoen garai batean, euskara ikasi zuen eta gure hizkuntzaren aldeko langile nekaezina bilakatu zen. Ibaizabal Telebistako lagunek hitzaldi honen inguruko bideo albistea egin dute.