Gatza jatetxea zabaldu zuen iaz Igor Agirre sukaldariak Bilboko Errekalde zumardian. Gaztea izan arren eskarmentu handikoa da urduliztar sukaldaria, besteak beste, Aretxondo eta Andra Mari jatetxeetan. Andoni Luis Aduriz eta Aitor Elizegirekin ere ibilia, urte batzuetan Ariatza jatetxearen ardura izan ostean, iaz zabaldu zuen Gatza Bilboko erdigunean. Plater landuak eta irudimentsuak eskaintzen dizkigu Gatzako kartak, hala nola hegaluze ketu entsalada, bakailao dastaketa itsas belar tenpura, txerriki karraskatsua eta beste plater gozo asko.

Gure e-posta bidezko berripapereko harpidedun batek dastatu ahal izango ditu plater hauek doan, apirilaren amaieran egingo baitugu harpidedun guztien artean bi lagunentzako otordu baten (bazkari edo afaria) zozketa (harpidetza egin ez baduzu, egin ezazu orain). Zorte on eta on egin!